Martin Luther King, Jr. I Have A Dream Speech

Frímínútur

Gunnar Þór á leið heim af fótboltaæfingu: "Þegar ég byrja í skóla verð ég miklu minna úti að leika mér en í leikskólanum." Ég: "Nú, af hverju?" Gunnar Þór (óskýrt): "Nú það eru bara frímínútur, ég verð bara í þrjár mínútur úti í frímínúturm" Ég: "Af hverju verður þú bara í þrjár mínútur í frímínútum?" Gunnar: "Það er svo mikið að gera og ég verð að vera duglegur að læra að reikna og svona" Ég: "Uhm, ókei, en af hverju þrjár mínútur, af hverju ekki tvær eða fimm mínútur?"
Gunnar (hneikslaður): "Nú af því að þetta heitir þrí-mín-út-ur."

Vonbrigði dagsins.

Guðmundur Óli tilkynnti okkur glaður í bragði að hann ætlaði að eignast tíu börn þegar hann yrði stór. Við spurðum hann hvort hann væri búinn að finna sér konu til að eignast öll þessi börn með, hann sagði: "Nei, ég ætla að eignast þau með mér." Við sögðum að það væri ekki hægt, konur væru líffræðilega nauðsynlegar til að eignast börn. Viðbrögðin voru óborganleg, smám saman færðist skeifa yfir andlitið og tárin streymdu niður kinnarnar, við fengum hláturskast og þá barði litli maðurinn með báðum höndum í borði og öskraði á okkur: " Ekki hlæja, ekki hlæja" og við hlógum ennþá meira.

Hangikjöt með sætum kartöflum.

Það er hægt að borða hangikjöt án uppstúfs... við prófuðum í gærkvöldi að sleppa kartöflum og uppstúfnum og baka sætar kartöflur í staðinn. Það virkaði! Hver hefði trúað því?

Sætar kartöflur, bakaðar í ofni við 200 C í ca. klukkutíma, eru ótrúlega góðar, það kemur smá karamellukeimur af þeim og þær renna úr hýðinu. Smá smjörklípa, grænar baunir, heimalagað rauðkál og hangikjöt.

Annáll 2012

Árið 2012 var okkur gott. Árið fór rólega af stað, með tilheyrandi morgunógleði sem virðist vera aðalfylgifiskur meðgöngu hér á bæ.
Í febrúar héldum við upp á 3 og 5 ára afmæli með pompi og prakt og svo fyllti húsbóndinn árin 32.
Í mars var flestum ljóst að fjölgun væri í vændum í sumarlok og í apríl fengum við að vita að lítið stelpuskott var á leiðinni.
Maí var bjartur og fagur og í júní fórum við til Akureyrar með Karenu og Markúsi, júlí fór í bústaðarstækkun og í ágúst biðum við eftir barni. Brynhildur Anna vildi velja sinn afmælisdag sjálf og fæddist á Landspítalanum 20. ágúst.
September fór í tiltekt og október í göngutúra, nóvember fór í River Cottage og desember var ljúfur.
Gleðilegt ár!

Brynhildur Anna borðar meira.

Í dag smakkaði Brynhildur Anna ofnbakaða sæta kartöflu og fékk vatn í stútkönnu. Seinni partinn fær hún rísgraut.

Jólaboð 2012

Við buðum foreldrum og einhleypum systkinum ;)
Við vorum 7+1 fullorðin og 2 börn
 Matseðill:
2,5 kg úrbeinað fyllt (camembert, trönuber og villisveppir)  hátíðarlæri úr Nóatúni
brúnaðar kartöflur
sveppasósa
hrásalat
gular baunir
heimalagað rauðkál.

Tvær litlar sneiðar í afgang.

Heppnaðist mjög vel.